Vi er to jenter frå Våge Skule som har vert so heldige å få arbeidsveka vår i Oslo, på sjølaste Juventekontoret! For nokre småjenter som oss frå landet, var det stor stas å komme til ein slik storby som Oslo for å ha arbeidsveka. På Juventekontoret vart vi tatt imot med opne armar og store smil og blei fort kjend med dei forskjellege folka der inne.
Svære forhåpningar
Når Lise kom dit, var forhåpningane svære. Og ho vart smått skuffa når ho såg at Adrian ikkje satt på kongestol med krone og kappe men derimot på den einaste plassen utan utsikt. Det første ho blei satt til å gjere, var å brette plakatar – Veldig mange plakatar. Etter det blei det pakking av medlemspakkar medan det blei filmsjåing. Snakk om multitasking altså! Peter var også i god hjelp då og utan han hadde det gått ganske sakte der.
På tysdagen kom Marita og fekk sjå det fantastiske kontoret og møte dei flotte folka. Den første jobben vi fekk då var å fortsette med det Lise og Peter gjorde i går. Og med mykje effektiv jobbing blei vi fort ferdige. Etter pakkinga sto lagerrydding for tur. Vi blei guida inn i eit lite kott fullt av rot og tullball. Det fekk vi ikkje orden på heller. For det var berre toll og rot. Masse rot. Men vi stabla det i hyller og koste oss med å rote det skikkelig til. Og så fant Lise ein Darth Vader-drakt som ho forelska seg heilt i.
Pakking og rydding
I dag var Lise på seminar om kristen ungdom og alkohol. Marita fann ikkje vegen til seminaret. Elles, så kjem stunda vi skal ha her på kontoret til å gå i mykje pakking og rydding, men og mykje latter. Tida her har gått ekstremt fort og har vert ekstremt kjekk. Vi har knyta mange band med dei forskjellege folka her og Juvente er no ein mykje kjekkare organisasjon no som vi veit korleis den fungerer frå innsida også. Veka har vert kjempekjekk og det er noko vi verkeleg kjem til å ta vidare. Og det er ein ting som begge to kan vere einige med – Vi har nok den beste arbeidsveka som nokre kjem til å ha på lenge!
